Нұр-Сұлтан, BAQ.KZ. 2022 жылғы Еуропа Чемпионатының іріктеу турнирінің аясында футзалдан Қазақстан мен Беларусь құрамалары Нұр-Сұлтанда кездеседі, деп хабарлады Olympic.kz.
Бұл туралы Қазақстан футбол федерациясы мәлімдеді.
Қазақстан мен Беларусь құрамасы наурыз айында екі рет кездеседі. Атап айтқанда, алғашқы ойынды 2 наурыз күні Нұр-Сұлтан қаласындағы Жақсылық Үшкемпіров атындағы «Жекпе-жек» спорт кешені қабылдайды.
Минск қаласында өтетін екінші кездесу 8 наурызға жоспарланған.
Айта кетерлігі, бас бапкер Рикарду Кака жаттықтыратын Қазақстан құрамасының оқу-жаттығу жиыны 25 ақпанда басталады.
