Қазақстандық Fly Arystan және SCAT әуе компанияларына жолаушылардың құқығын бұзғаны үшін айыппұл салынды, деп хабарлайды BAQ.KZ.
Азаматтық авиация комитеті рейстердің кешігуі кезінде қызметтерді тиісті түрде көрсетуге қатысты заңнаманың талаптарын бұзғаны үшін отандық және шетелдік авиакомпанияларды жауапкершілікке тарту бойынша жұмысты жалғастыруда, – делінген министрлік хабарламасында.
Жазда рейстер санының артуына байланысты жолаушылардың рейстің кешігуі немесе кешігу кезінде қызмет көрсетпеу туралы шағымдары жиілей түскен.
Fly Arystan әуе компаниясының 11 шілдедегі Алматы-Қарағанды рейсі кешіктірілген, алайда жолаушылар қонақүйге орналастырылмаған, жолаушылар үшін қонақүйге трансфер жасалмаған. Компанияға 1 000 АЕК (3 692 000 теңге) көлемінде айыппұл салынды.
24 маусымда Атырау-Алматы бағытындағы рейстің кешігуі кезінде қызмет көрсетпегені үшін SCAT компаниясына да 1 000 АЕК (3 692 000 теңге) көлемінде айыппұл салынған.
