Нұр-Сұлтан, BAQ.KZ. Польшада өткен Junior Eurovision-2019 ән байқауында бақ сынаған қазақстандық Ержан Максим дауыс берген барша қазақстандықтарға алғыс айтты.
Құрметті менің достарым, апа-ағаларым, ата-әжелерім. Маған дауыс бергендеріңізге көп-көп рахметімді айтқам келеді. Осы жеңіске сіздердің арқаларыңыз. Мен сіздерді қатты жақсы көремін, - деді ол.
Сонымен қатар, Ержан Максим Іnstagram-дағы парақшасына жанкүйерлерінің зор құрметпен қарсы алған видеосын да жариялаған екен.
Естеріңізге сала кетейік, Junior Eurovision-2019 ән байқауында бақ сынаған қазақстандық қатысушы Ержан Максим екінші орын алған еді.
Сондай-ақ, ҚР президенті Қасым-Жомарт Тоқаев Ержан Максимді Junior Eurovision ән байқауындағы жүлдесімен құттықтаған еді.
