Нұр-Сұлтан, BAQ.KZ тілшісі. Бүгін елордамызда мүмкіндігі шектеулі жандарға арналған мейкатон өтті. Аталған іс-шара Қазақстан Республикасының Тәуелсіздігінің 30 жылдығына орай ұйымдастырылған.
Мейкатон (TikkunOlamMakers) – мүмкіндігі шектеулі жандарға жаңа мүмкіндік сыйлайтын алаң.
Мұнда қазақстандық өнертапқыштар қиындық пен кедергіге ұшыраған жандардың өмірін жақсартуға арналған прототиптерді жасап, қоғамды жаңартуға өз үлестерін қосады.
Жалпы әлем бойынша мейкатонды ұйымдастыру 2014 жылдан басталған. Бұл марафон елімізге 2017 жылы келді. Әлем елдерінде кең таралып келе жатқан бұл шараға деген елімізде қызғушылық басым. Қазір үш жыл қатарынан ұйымдастырылып келеді. Бұл қала, халқымызды өркендетуге, инженер-техник мамандардың көбеюіне өз үлесін қосып жатыр, - деді Нұр-сұлтан қаласы әкімдігінің «Астана жастары» КММ NEET санатындағы жастармен жұмыс бөлімінің маманы Асқар Шунаев.
Бүгін мейкатонның негізгі ТОМ кезеңі өтті.
Бұл кезеңде өнертапқыштар 72 сағат ішінде нид-ноуэрлермен бірге өз идеяларын жүзеге асырып, мүмкіндігі шектеулі жандарды қоғам ортасында бейімдеуге және өздерін толыққанды сезіну үшін прототиптер жасайды.
10 командадан қатысқан бұл марафон қызу тартысқа тола түсті.
28 мамыр күні басталған марафонда командалар өміршең протоптипті жасау мақсатында керек заттар тізімін жасады.Бір айға жуық уақыт жарысқа дайындалды.
Сонымен қоса, нид-ноуэрлер күнделікті өмірде қандай кедергілерге ұшырайтынын баяндайды. Соларды негізге ала отырып, мейкерлер мәселені шешуге арналған ұсыныстар әзірлеуге кіріседі.
Ал мейкерлер тобы өнертапқыштар, студенттер, ІТ-мамандар, медицина қызметкерлері мен инженерлерден және тағы басқа маман өкілдерінен құралады.
Үш тәулікке созылған жарыс бүгін өз мәресіне жетті.
Әрбір кезеңнің сай жас өнертапқыштар көру, есту, тірек-қимыл жүйесі бұзылған жандардың қозғалысын, жүріп тұруын жеңілдететін прототип түрін көрсету керек.
Жарыс өте тартысты өтті. Бірінші орында мүмкіндігі шектеуді жандарға арналған арба түрін ойлап тапқан «Жәрдем» командасы алды, келесі орындарды «Victory», «MBTF» командалары жайғасты, – дейді Асқар Шунаев.
Айта кетейік, Мейкатон «Astana International University» университетіндегі «GreenTal» әлеуметтік шеберханасында өтті.
Тұрақты ұйымдастырушылар - «Астана жастары» Жастар ресурстық орталығы және «Қазақстан Республикасындағы Тель-Авив университетінің достары Қауымдастығы».
