Нұр-Сұлтан, BAQ.KZ. Елордалық полицейлер мереке күндері қарсаңында өрт қауіпсіздігін алдын алу мақсатында жеке үйлерді аралап шықты. Бұл туралы Нұр-Сұлтан қаласы ПД баспасөз қызметі хабарлады.
Мереке күндері, сондай-ақ, алдағы ұзақ демалыс күндері қарсаңында елордалық полицейлер жылыту маусымы кезеңінде өрт қауіпсіздігін алдын алу, сондай-ақ, халық арасында өрт қауіпсіздігі талаптарын сақтау қажеттілігі туралы түсіндіру жұмыстарын жүргізу мақсатында Төтенше жағдайлар департаментінің қызметкерлерімен бірлесіп жеке үйлерді аралап шықты.
Тәртіп сақшылары тек 1 күннің өзінде 500-ден астам жеке үйлер мен 50-ден астам кәсіпкерлік объектілерін аралап, тұрғындарға өрт қауіпсіздігі ережелерін түсіндірді, сондай-ақ, тұрмыстағы өрт қауіпсіздігі ережелерін сақтау, жылыту пештері арқылы уланудан және жазатайым оқиғаларды алдын-алу үшін қауіпсіз пайдалану бойынша жадынамаларды таратты, - делінген хабарламада.
