Нұр-Сұлтан, BAQ.KZ. Бүгін елорданың сол жағалауында жеке үйде өрт болды.
Нұр-Сұлтан қаласы ТЖД баспасөз қызметі астананың сол жағалауында болған өртке қатысты ресми мәлімет таратты.
30 қазан күні сағат 11.40-та елордалық өрт сөндіру қызметінің «101» пультіне Темірқазық, 57 көшесінде жеке үйдің шатыры жанып жатқаны туралы хабарлама келіп түсті. 11 сағат 41 минутта шақырту орнына Нұр-Сұлтан қаласы ТЖД Өрт сөндіру бөлімшелері 4 бірлік техника мен жеке құрамның 19 адамы шықты. 11 сағат 47 минутта келген бойда екі қабатты коттедж мен оған жапсарлас салынған уақытша құрылыстың шатыры жанып жатқаны анықталды, - делінген хабарламада.
Өрттің алдын ала көлемі 150 шаршы метрді құрады.
Сағат 12:10-да өрт оқшауланды.
Өрт ауыздықталды. Зардап шеккендер мен опат болғандар жоқ.
