Елордадағы "Нұрлы Жүрек" әлеуметтк қызмет көрсету орталығында психоневрологиялық интернаттарының тәрбиеленушілері арасында шағын-футболдан SENI CUP республикалық турнир өтті, деп хабарлайды BAQ.KZ.
Жарысқа Павлодар, Қарағанды, Ақмола облыстары мен Нұр-Сұлтан қаласының спортшылары қатысты.
Спорттық іс-шараның ашылу салтанатында қалалық Дене шынықтыру және спорт басқармасының басшысы Самат Жылқыбаев әлеуметтік жарыстың маңыздылығына тоқталып өтті.
Нұр-Сұлтан қаласында мүмкіндігі шектеулі жандарды қоғамға бейімдеу мақсатында қалалық спорт басқармасы әртүрлі әлеуметтік іс-шаралар өткізіп келеді. Соның куәсі бүгін міне мүмкіндігі шектеулі психоневрологиялық интернаттардың тәрбиеленушілері арасында шағын футболдан ерекше спорттық турнир өтіп жатыр. Біз бүгінгі жарыстың Нұр-Сұлтан қаласында өтіп жатқанына қуаныштымыз. Спорт шекараны кеңейтуде. Осындай бастамалар мүмкіндігі шектеулі адамдардың қоғамға кірігуіне ықпал етеді. Спорттық шеберліктерің көрсетіп қана қоймай, жаңа достар табатындарына сенімдімін, – дейді қалалық спорт басқармасының басшысы.
Сонымен қатар қалалық спорт басқармасының басшысы салтанатты ашылу рәсімінде ерекше спортшыларға жеңіске ұмтылуды және өзіне сенімді болуды тіледі.
Шағын футбол турниріне интернаттарының тәрбиеленушілерінен құралған тоғыз команда өзара бақ сынасты. Қатысушылар жеңіске деген шынайы ынтасын, үздік болуға деген ұмтылысын барынша көрсетті. Жарыс қызықты және тартысты жағдайда өтті.
Қазақстанда турнир 2017 жылдан бастап Алматы қаласында өткізіледі, яғни 2017-2021 жылдары 5 турнир өткізілді. Аталған турнирлерге Алматы, Қарағанды, Қызылорда қалаларының және Алматы облысының интернаттарынан 600 адам қатысты. SENI CUP - бұл күнделікті рухтан кету, өйткені спорттық жарыстардың жанынан түрлі мәдени-ойын-сауық іс-шаралары. Бұл турнир қатысушыларына осындай аурулармен күресетіндер мен басқалардың арасында олардың проблемаларын түсінуге қабілетті достар табуға мүмкіндік береді, – дейді OASIS Group Distribution компаниясының әлеуметтік жобалар бойынша менеджері Лаура Абжанова.
Турнирдің қорытындысы бойынша, Қарағандылық «Арлан» командасы Алматы қаласында өтетін республикалық турнирге жолдама алды. Енді психоневрологиялық ауытқушылығы бар жандардан құралған команда Алматы қаласында өтетін турнирде шағын футбол ойнайды.
Айта кетейік, психоневрологиялық интернат үйлерінің тәрбиеленушілері арасында өткен спорт жарысында қатысушылардың жас мөлшері мен жынысы ескерілмеді. Ойыншылар 10 минуттан 2 тайм ойнады.
Seni Cup – бұл ақыл-ой мүмкіндігі шектеулі психоневрологиялық интернаттардың тәрбиеленушілеріне арналған шағын футболдан ерекше спорттық турнир. Спорттық қозғалыс 1992 жылы футбол алаңына поляк балалары шыққан кезде басталды. Осы спорттық іс-шараны ұйымдастырушы және идеялық шабыттандырушы Торуньдық таңу материалдары зауыты болған деседі.
