Астанада өткен ТЕАТР ALL фестивалі мәресіне жетті, деп хабарлады BAQ.KZ.
Театр сыншылары 14 өнер ұжымы ұсынған қойылымды тамашалап, түрлі аталым бойынша үздіктерді анықтады.
II-Халықаралық «TЕАТРALL» театр фестивалінің жүлдегерлері:
Театр өнерін дамытуға қосқан үлесі үшін - Бақытбек Алпысбаев (Нартай Бекежанов атындағы Қызылорда облыстық драма театры)
Үміт - Назерке Серікболова (Жастар театры)
Ең үздік екінші план ер - Есжан Әсет (Алатау дәстүрлі өнер театры)
Ең үздік екінші план әйел - Диана Тұрсынова (І.Омаров атындағы Қостанай облыстық қазақ драма театры)
Үздік әйел - Ақниет Орынтай (Қ.Қуанышбаев атындағы мемлекеттік академиялық қазақ музыкалық драма театры)
Үздік ер адам-Жасұлан Ерболат (Қ.Қуанышбаев атындағы мемлекеттік академиялық қазақ музыкалық драма театры) Т.Абдумомунов атындағы Қырғыз Ұлттық академиялық театры
Үздік сценография-Ғажайып трагедиясы қоюшы суретші Журкабаева Гульдана (Семей қаласы «Дариға-ай» жастар театры)
Ә.Мәмбетов атындағы режиссерге арнайы сыйлық - Уланмырза Карыпбаев (Әзірбайжан Мәмбетов атындағы мемлекеттік драма және комедия театры)
Үздік қойылым-«Саманчының жолы» (Т.Абдумомунов атындағы Қырғыз Ұлттық академиялық театры).
Айта кетейік, елордада 22-30 қазан аралығында Нұр-Сұлтан қаласы әкімдігі және Әзірбайжан Мәмбетов атындағы мемлекеттік драма және комедия театрының ұйымдастыруымен Мәдениет және Спорт министрлігі, Халықаралық Түркі Мемлекеттерінің (ТҮРКСОЙ) ұйымы қолдауымен II-Халықаралық «TЕАТРALL» театр фестивалі өтті.
Бұған төмендегі өнер ордалары қатысты:
- Қ.Қуанышбаев атындағы мемлекеттік академиялық қазақ музыкалық драма театры
- Абай атындағы Шығыс Қазақстан облыстық Семейдің мемлекеттік қазақ музыкалық драма театры
- «Алатау» дәстүрлі өнер театры»
- Санк-Петербург камералық «ТОК» театры
- «Золотая маска» Ұлттық театр сыйлығының иегері мемлекеттік ГУЛАГ музейі және «Таратумб» шығармашылық бірлестігі
- Астана қаласының «Жастар» театры
- Семей қаласы «Дариға-ай» жастар театры
- Махтумкули атындағы Түркіменстан музыкалық-драма театры
- Н.Бекежанов атындағы Қызылорда облыстық драма театры
- Әзірбайжан Мәмбетов атындағы мемлекеттік драма және комедия театры
- Өзбекстан Республикасының Джизак музыкалық театры
- І.Омаров атындағы Қостанай облыстық қазақ драма театры. «Құс жолы» спектаклі
- Гейдар Алиев атындағы Тбилиси Әзірбайжан драма театры
- Т.Абдумомунов атындағы Қырғыз Ұлттық академиялық театры.
