Нұр-Сұлтан, BAQ.KZ. Бүгін Ақпарат және қоғамдық даму министрлігінің бастамасымен ЕҰУ-де «Жаһандану кезеңіндегі этникалық мәселелер және мәдениет» атты этносаралық салада маманданған журналистерге оқыту курстары басталды.
Бұл туралы АҚДМ баспасөз қызметі хабарлайды.
Оқыту курстары офлайн форматта өтуде және 2022 жылдың 2 шілдесіне дейін жалғасады.
Курста этносаралық тақырыпты БАҚ-та дұрыс жариялаудың қыр-сыры мен ерекшеліктері, БАҚ-тың этносаяси үдерістерге ықпалы, этносаралық саланы жариялайтын журналистер үшін этносаяси сауаттылықтың аспектілері түсіндіріледі.
Семинардың спикерлерінің бірі - Этносаралық қатынастарды дамыту комитетінің төрағасы, саяси ғылымдарының кандидаты Ғалым Шойкин. Сонымен бірге, іс-шараға этномәдени орталықтардың өкілдері, сарапшылар қатысты.
