Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Эстония Республикасының Елшісі Тоомас Тирсті дипломатиялық миссиясының аяқталуына орай қабылдады, деп хабарлайды BAQ.KZ.
Тараптар екіжақты ынтымақтастық және көпжақты форматтағы өзара іс-қимыл мәселелерін талқылады. Сауда-экономикалық байланыстарды кеңейтуге, көлік, логистика және цифрландыру саласындағы өзара іс-қимылға ерекше назар аударылды.
![Еліміздің СІМ басшысы Эстония елшісін қабылдады](/userfiles/images/3de2cd27c97c0dd3d828a3d3dc2f244e_1280x720.jpg)
Эстония Елшісі Қазақстандағы миссиясы барысында тұрақты қолдау көрсеткені үшін алғысын білдіріп, өзара іс-қимылдың барлық спектрі бойынша берік және үйлесімді қарым-қатынастарды одан әрі дамытуға сенім білдірді.
![Еліміздің СІМ басшысы Эстония елшісін қабылдады](/userfiles/images/e9594a616608c534bb3b8f81e101ef1c_1280x720.jpg)
Миссияның аяқталуына орай эстондық дипломатқа екі ел арасындағы жан-жақты байланыстарды нығайтуға қосқан үлесі үшін Қазақстан Сыртқы істер министрінің алғыс хаты табыс етілді.