Нұр-Сұлтан, BAQ.KZ. "Қазгидромет" РМК Ақмола, Қостанай, Батыс Қазақстан облыстарында ауа райына байланысты ескерту жариялады.
25 сәуірде Қостанай облысының кей жерлерінде тұман түсуі ықтимал. Оңтүстік-батыстан жел соғады, кей жерлерінде күші 15-20 м/с жетеді. Түнде солтүстікте 3 градус үсік күтіледі.Қостанай қаласында оңтүстік-батыстан жел соғады, екпіні 15-20 м/с жетуі мүмкін.
Ақмола облысының түнде кей жерлерінде тұман түсуі мүмкін. Батыстан, оңтүстік-батыстан жел соғады, таңертең және күндіз облыстың солтүстік-батысында желдің жылдамдығы 15-18 м/с жетуі ықтимал. Түнде ауа температурасы кей жерлерде минус 3 градусқа дейін төмендеуі күтіледі.
Көкшетау қаласында батыстан, оңтүстік-батыстан жел соғады, таңертең және күндіз екпіні 15-18 м/с күтіледі.
25 сәуірде күндіз Батыс Қазақстан облысында оңтүстік-батыстан соғатын желдің күші кей жерлерде 15-20 м/с жетеді.
Сол күні күндіз Орал қаласында оңтүстік-батыстан соғатын желдің екпіні 18 м/с жетеді.
