Нұр-Сұлтан, BAQ.KZ. 31 тамызда антициклонның әсерінен республикасының басым бөлігінде жауын-шашынсыз ауа райы сақталады. Тек елдің оңтүстігінде найзағайлы жаңбыр жауады.
Республиканың кей жерлерінде желдің күшеюі күтіледі, оңтүстікте - дауыл, найзағай, тұман күтіледі.
Жамбыл облысының кей жерлерінде жел 15-20 м/с күшейеді, күндіз - найзағай, дауыл күтіледі, түнде және таңертең – тұман күтіледі. Күндіз Түркістан, Қызылорда, Солтүстік Қазақстан, Қарағанды облыстарының кей жерлерінде жел 15-20 м/с күшейеді, Түркістан облысында найзағай күтіледі.
Атырау, Ақтөбе облыстарының, Қарағанды облысының оңтүстігінде қатты ыстық күтіледі.
Қызылорда, Атырау облыстарының басым бөлігінде, Алматы облысының солтүстік-батысында, Түркістан облысының шығысында, Батыс Қазақстан облысының оңтүстігінде, Қарағанды облысының батысында төтенше өрт қаупі сақталады.
