Елімізде Ауғанстаннан кеңес әскерлерінің шығарылған күні мереке ретінде белгіленуі мүмкін, деп хабарлайды BAQ.KZ.
Қазақстан Республикасындағы мерекелік күндердің тізіміне толықтыру енгізілетін Үкіметтің қаулысы дайындалды. Құжат 28 желтоқсанға дейін Ашық НҚА сайтында жарияланды.
Атап айтқанда, мереке күндерінің тізбесіне тағы да екі мейрамды қосу ұсынылып отыр.
1. Қазақстан Республикасы Қаржылық мониторинг органдарының күні – 28 қаңтар;
2. Ауғанстан Демократиялық Республикасынан кеңес әскерінің шектеулі контингенті шығарылғаннн күн – 15 ақпан.
Белгілі болғандай, қаржылық мониторинг органдарының кәсіби мерекесін бекіту қызметкерлер мен жұмысшылардың бірлестігіне жіберілген.
Еске сала кетейік, 1988 жылы Женева келісіміне қол қойылғаннан кейін кеңес әскерлерін Ауғанстаннан шығару басталған еді. 1989 жылы 15 ақпанда оның аумағынан шекаралық әскерлердің барлық арнайы бөлімшелері шықты.
Ауғанстандағы әскери қақтығысқа 22 296 қазақстандық қатысқан. Қазір ел аумағында 15 мыңнан астам интернационалист-жауынгер тұрады.
