"ҚазАвтоЖол "ҰК" АҚ деректері бойынша ауа райының нашарлауына (боран, көрінудің шектелуі, қар, жел, көктайғақ) байланысты республикалық маңызы бар автожолдардың 8 учаскесінде автокөлік құралдарының барлық түрлері үшін қозғалыс жабық, деп хабарлайды BAQ.KZ.
Атап өтер болсақ:
- "Астана-Ерейментау-Шідерті" 16-200 км;
- "Астана-Петропавл" 18-232 км;
- "Екатеринбург-Алматы" 1291-1353 км;
- "Астана-Қабанбай-Нұра-Теміртау" 35-51 км (Ақмола облысы);
- "Үшарал-Достық-ҚХР шекарасы" 84-164 км (Жетісу облысы);
- "Екатеринбург-Алматы" 1353-1426 км;
- "Екатеринбург-Алматы" 1505-1584 км (Қарағанды облысы);
- "Астана-Ерейментау-Шідерті" 200-254 км (Павлодар облысы) учаскесінде.
ТЖМ қауіпсіздік шараларын сақтауға кеңес береді.
Дауылды ескерту жариялаған кезде, әсіресе қараңғы уақытта алыс жерлерге сапарға шығудан бас тартып, жаяу жүруден аулақ болыңыздар. Ауа райы жағдайы мен автожолдардағы көлік қозғалысының шектеулері туралы ақпаратты бақылаңыздар, - делінген ТЖМ ескертуінде.
