9 айда 2,4 трлн теңгеге азық-түлік тауарлары өндірілді. Бұл туралы Аграрлық азық-түлік нарықтары және ауыл шаруашылығы өнімін қайта өңдеу департаментінің директоры Назгүл Хатепова мәлімдеді, деп хабарлайды BAQ.KZ тілшісі.
Мемлекеттік қолдау шараларының арқасында ауыл шаруашылығы өнімдерін өңдеу саласы жыл сайын өсім көрсетуде. 2023 жылдың қорытындысы бойынша азық-түлік өнімдерін өндіру көлемі 2,1%-ға артып, 3,1 трлн теңгеге жетті.
Хатепованың айтуынша, осы жылдың 9 айында 2,4 трлн теңгеге азық-түлік тауарлары өндірілді. АӨК өнімдерін экспорттау көлемі былтыр 5,6 млрд теңге болды. Оның ішінде, қайта өңделген өнімдер үлесі - 43%.
Биыл 8 айдың қорытындысы бойынша жалпы аграрлық өнімдер көлемі 3 млрд долларға жетсе, оның ішінде қайта өңделген өнімдер көлемі - 55%, - деді спикер ОКҚ алаңында өткен баспасөз конференциясында.
