Қазақстанда боран мен қатты аяз күтілуде. Тіпті оңтүстік өңірлерде температура -25 градусқа дейін төмендейді, деп хабарлайды BAQ.KZ "Қазгидромет" РМК-ға сілтеме жасап.
Алдағы үш күнде қазақстандықтарды қарлы боран мен аяз күтіп тұр.
21-22 қаңтарда еліміздің көптеген өңірінде қарлы жауын-шашынмен бірге желдің күші 15-28 м/с-қа дейін күшейеді. Шығыс, оңтүстік және оңтүстік-шығыс аймақтарда ауа ағынының жылдамдығы 30 м/с-тан асуы мүмкін.
Сонымен қатар, ел аумағында боран, мұзқатқақ және тұман болады, - деп хабарлады мемлекеттік гидрометеорологиялық қызмет.
Периодтың соңына қарай температура еліміздің көп бөлігінде күрт төмендейді. Қазақстанның оңтүстік жартысында температура -25 градусқа дейін төмендесе, солтүстікте -35 градусқа дейін аяз болады.
Оқи отырыңыз:
