Нұр-Сұлтан, BAQ.KZ тілшісі. Бұл туралы Қазақстанның Тұңғыш Президенті-Елбасы, ҚХА Төрағасы Н.Ә.Назарбаев Қазақстан халқы Ассамблеясының XXIX сессиясы барысында айтты.
Нұрсұлтан Назарбаев тіл бәрін біріктіретінін жеткізді.Біз қоғамның алуантүрлілігін өз пайдамызға бұрдық. Бұл - қазір Қазақстанның бәсекелестік жолындағы артықшылығы. Біз жасаған этносаралық қатынастардың моделі халықаралық жетекші құқықтық стандарттарға негізделген және бүгінде бүкіл әлемде мойындалған. Бейбітшілік пен келісімнің отандық формуласы өмір салты, адамгершілік императиві, баға жетпес байлығы және мемлекетіміздің байлығы болды, - деді ол.
Бұған дейін Елбасы қазақ тілін білуге, түсінуге деген ұмтылыс өте жақсы екенін айтқан болатын.Қазақ халқы шоғырландырушы көпұлтты қоғамның интеграциялық процестерінің өзегін құрады. Бұл бүкіл әлем елдерінде бар, тіл бәрін біріктіреді. Мысалы, америкалықтар осы елге келген мыңдаған түрлі халықтан тұрады, бірақ оларды ағылшын тілі біріктіреді. Біз барлық өзге елдер туралы сөйлесе аламыз, мұны түсінуіміз керек. Сонымен бірге біз елдегі этностардың мәдениетін, тілін дамыту үшін барлық қажетті жағдайды жасадық. Соның аясында Қазақстан халқы ортақ мақсаттар мен ортақ тілек аясында топтасты. Олардың әрқайсысы біздің бірлігімізді, өзара сыйластығымызды, отансүйгіштік пен жауапкершілікті нығайтуға үлес қосты, - деп қосты Елбасы.
