Екібастұз қаласында екіқабатты үйдің шатыры өртенді, деп хабарлайды BAQ.KZ Павлодар облысы ТЖД баспасөз қызметіне сілтеме жасап.
Департамент деректеріне сүйенсек, бүгін сағат 17:57 шамасында Екібастұз қаласы, М.Жүсіп көшесі 2 мекенжайындағы 2 қабатты тұрғын үйдің шатыры жанған.
Қазір өртті оқшаулау және жою жұмыстары әлі де жүргізіліп жатыр. Зардап шеккендер туралы ақпарат түскен жоқ, ТЖД күшімен тұрғындарды эвакуациялау жүргізілуде. Оқиға орнында 6 өрт сөндіру техникасы мен 22 маман жұмылдырылған, - делінген хабарламада.
Өрт сөндірушілер баспалдақ маршымен 30 адамды эвакуациялады. Оның ішінде 7 бала бар. Сонымен қатар олар өрт ошағынан 6 газ баллонын алып шықты.
