Нұр-Сұлтан, BAQ.KZ. Павлодар облысының әкімі Болат Бақауов 28 дәрігерлер мен бір көпбалалы отбасыларға пәтер кілттерін табыстады. Бұл туралы pavlodarnews.kz сайтында хабарланды.
Бес қабатты жаңа ғимараттан пәтерлерді еліміздің басқа аймақтарынан Екібастұзға келген 28 медицина қызметкері алды. Олардың арасында акушер-гинекологтар, реанимациялық анестезиолог, неонатологтар, жалпы тәжірибедегі дәрігерлер және басқа да мамандар бар. 18 дәрігер отбасыларымен екі бөлмелі пәтерлерге, тағы 10-ы бір бөлмелі пәтерлерге кірді.
«Жас мамандарға осындай әлеуметтік қолдау көрсетілгеніне үлкен алғыс айтқым келеді. Ең бастысы – баспана мәселесі шешілгеннен кейін жұмыс жасау да оңай болады», - деді Семейдегі медициналық университетті бітіргеннен кейін Екібастұзға келген дәрігер Тоғжан Сағарбекова.
Жаңа үйге қоныстанушыларды аймақ басшысы құттықтады. Ол биліктің облысқа шұғыл қажет мамандық иелерін баспанамен қамтамасыз етуге дайын екенін атап өтті.
«Екі жыл ішінде біздің облысқа келетін дәрігерлерді жалдамалы баспанамен қамтамасыз етуге тырысамыз. Мен жаңа пәтерге қоныстанушыларға бақыт пен береке тілеймін!», - деді облыс әкімі.
Сонымен қатар, Болат Бақауов төрт бала тәрбиелеп отырған жаңа қоныстанушы Бабажановтар отбасын құттықтады. Олардан бөлек, тағы 24 көп балалы отбасы пәтер алды.
«Бұған дейін біз бір бөлмелі пәтерді жалдап жүрдік те, кейін бір бөлмелі қызметтік баспана алдық. Бірақ ондай жағдайда алты адам тұру қиынға соғады. Еді біздің бұрылатын бөлмеміз де бар. Пәтер өте жарық және жайлы. Пәтер бәрімізге ұнайды» - дейді Мейрамгүл Бабажанова.
