Еліміздің бірнеше өңірінде күн райының бұзылуына байланысты жолдар жабылған болатын. Екі өңірде жабылған жолдар қайта ашылды, деп хабарлайды BAQ.KZ "ҚазАвтоЖол" компаниясына сілтеме жасап.
Атап айтқанда:
- Жамбыл облысы “Алматы-Ташкент-Термез” автожолының 534-593 шақырымы аралығы (Айша бибі ауылы - Түркістан облысының шекарасы);
- Түркістан облысы “Алматы-Ташкент-Термез” автожолының 593-620 шақырымы аралығы (Жамбыл облысының шекарасы - Тұрар Рысқұлов ауылының шекарасы).
Еске сала кетейік, бұған дейін бірқатар өңірде ауа райына байланысты дауылды ескерту жарияланған болатын.
