Дзюдодан Қазақстан чемпионатының алғашқы жүлдегерлері анықталды, деп хабарлайды BAQ.KZ тілшісі.
2006-2007 жылы туған жасөспірімдер арасындағы ҚР чемпионатының алғашқы күнінде ұлдар -50, -55, қыздар -40, -44, -48 келі салмақ дәрежесінде татами төріне шықты. Дода жеңімпаздарының да есімі белгілі болды.
40 келіге дейінгі қыздар арасында сынға түскен жарыста 1-орынды Сабина Юлдашева (Шымкент ) жеңіп алды. 2-орын Тамила Әлиханова (Абай облысы) , 3-орынды Зере Өтепқали (Атырау облысы) мен Әсел Русланова (Атырау облысы) иеленді.
![Дзюдодан ел біріншілігінің жеңімпаздары анықталды](/userfiles/images/WhatsApp%20Image%202023-02-15%20at%2011_31_28.jpeg)
Ал, 44 келіде 1-орынды Іңкәр Құралбай (Жамбыл облысы) жеңіп алса, 2-орын - Гүлхан Шыңғысханға (Атырау облысы) бұйырды. 3-орынды - Сапаргүл Мұхтарова (Астана) мен Айзат Наукенова (Қарағанды облысы) иеленді.
48 келі салмақтағы қыздар арасындағы бәсекеде Сымбат Жайнул (Түркістан облысы) жеңімпаз атанды. 2-орынды - Алина Ямашева (Қарағанды облысы), 3-орынды - Кира Кегай (Жетісу облысы) мен Маржан Кальмен (Алматы облысы) місе тұтты.
![Дзюдодан ел біріншілігінің жеңімпаздары анықталды](/userfiles/images/WhatsApp%20Image%202023-02-15%20at%2011_31_29.jpeg)
Ал, ұлдар арасындағы 50 келі салмақ дәрежесіндегі бәсекеде Ерхан Мұраттың (Атырау облысы) асығы алшысынан түсіп, чемпион атанды. 2- орын - Ернұр Батырғалиға (Түркістан облысы) бұйырды. Дамир Сырлыбай (Түркістан облысы) мен Нұрбол Асқар (Жетісу облысы) қола жүлдегер атанды.
![Дзюдодан ел біріншілігінің жеңімпаздары анықталды](/userfiles/images/WhatsApp%20Image%202023-02-15%20at%2011_31_31%20(1).jpeg)
55 келі салмақта татами төріне шыққан сында Оралбек Байзақ (Қызылорда облысы) алтыннан алқа тақты. Ақтөбе облысынан келген Мағжан Аманжолов күміс медель иеленді. Ал 3-орын жеңімпаздары Бағдәулет Қабдешов (Алматы) пен Қайрат Жеңісұлы (Алматы облысы).
![Дзюдодан ел біріншілігінің жеңімпаздары анықталды](/userfiles/images/WhatsApp%20Image%202023-02-15%20at%2011_31_29%20(1).jpeg)
Жеңімпаздарды Спорт және дене шынықтыру істері комитетінің төрағасы Самат Ерғалиев, қалалық спорт басқармасының басшысы Самат Жылқыбаев марапаттады.
Айта кетейік, жарыс 17 ақпанға дейін жалғасады.
![Дзюдодан ел біріншілігінің жеңімпаздары анықталды](/userfiles/images/WhatsApp%20Image%202023-02-15%20at%2011_31_30.jpeg)
Әсел Әбілбек