Домофонды кірпішпен сындырған мас астаналық 10 күнге қамауға алынды, деп хабарлайды BAQ.KZ Рolisia.kz-ке сілтеме жасап.
Белгілі болғандай, оқиға таңғы уақытта болған. 26 жастағы мас ер адам үйде кілтін ұмытып кеткен. Содан кіреберіске кіре алмай, домофонды кірпішпен сындырған. Оның заңсыз әрекеті бейнекамераға жазылған, - делінген мәліметте.
Сот шешімімен бөтеннің мүлкін қасақана бүлдірген құқық бұзушы 10 тәулікке әкімшілік қамауға алынды.
