Нұр-Сұлтан, BAQ.KZ тілшісі. ҚР Денсаулық сақтау министрлігінің ресми өкілі Бағдат Қожахметов ҚР Президенті жанындағы Орталық коммуникациялар қызметі алаңында өткен онлайн брифинг кезінде COVID-19 вакцинасының неге барлық қазақстандыққа бірдей тегін болмайтынын түсіндіріп берді.
Қазақстанда тәуекел тобына жататын 2,2 миллион адам бар. Бұл - созылмалы жүрек-қантамырлары аурулары бар адамдар, 65 жастан асқан азаматтар, қант диабеті және басқа да созылмалы аурулардан зардап шегетін адамдар. Сондықтан мен сау адамдардың бұл тізімге енуге тырысуы "керек пе, жоқ па" білмеймін. Белгілі бір әлеуметтік ережелер мен заңдар бар. Меніңше, дені сау адам өзін-өзі қамтамасыз етуі керек. Оның ішінде вакцинамен де. Бұл менің жеке ұстанымым. Саналы азамат менің ұстанымыммен бөлісуі керек деген ойдамын, - деді ол.
Бұған дейін Бағдат Қожахметов коронавирус жұқтырған 598 қызметкерге
2 млн теңгеден өтемақы төленгенін мәлімдеді. Сондай-ақ, халыққа індетті толық жеңіп шыққанша,
сақтық керегін айтқан болатын.
