Нұр-Сұлтан, BAQ.KZ. Қытай үкіметі Непалға коронавирустық инфекциямен күресуге көмектеседі. Катмандуға Қытайдың COVID-19 вакцинасының 4,4 миллион дозасы келді.
Осылайша, Непал тамыз айында Қытайдан сатып алынған барлық 6 миллион дозаны алды.
Қолда бар мүмкіндіктерге сәйкес біз көптеген адамдарға қытайлық Vero Cell вакцинасымен екпе жасадық, - деді Денсаулық сақтау және халық министрлігі жанындағы Ұлттық иммундау бағдарламасының жетекшісі Сагар Дахал.
Таулы ел бүкіл әлемнен коронавирусқа қарсы вакциналарды алады. Бүгінгі таңда Непал бірнеше елден вакцинаның 17,85 миллион дозасын алды.
Черногория Республикасының ересек тұрғындарының 50% - дан астамы коронавирустық инфекцияға қарсы вакцинаның бір дозасын алды. Черногорияның 44,6% - ы вакцинацияның толық курсынан өтті. Қазіргі уақытта коронавирусқа қарсы препараттың 433 867 дозасы енгізілді. Бірінші дозаны 230 187 адам немесе 37,1 %, ал екіншісін — 203 680 адам немесе азаматтардың 32,9% алды. Жалпы, елде 622 мыңға жуық адам тұрады. Бүгінгі таңда Черногорияда пандемия басталғаннан бері COVID-19 коронавирусын жұқтырудың 102 879 жағдайы тіркелді.
Ұлыбританияда 12-15 жас аралығындағы жасөспірімдерді коронавирусқа қарсы егу басталды. Англияда көптеген жағдайларда вакцинация тікелей мектептерде жасалады, Уэльсте мектептерден басқа вакцинация орталықтарында жасауға болады. Шотландияда жасөспірімдерді клиникаларда вакцинациялауға болады. Оқушыға инъекция жасау үшін ата-аналардың рұқсаты қажет емес.
Беларуссияда COVID-19 төртінші толқынының басталғаны туралы хабарланды. Денсаулық сақтау министрі Дмитрий Пиневичтің айтуынша, елде аурудың жоғары деңгейі күн сайын өсуде, ауруханаға жатқызу көрсеткіші де артуда. Бұл Денсаулық сақтау жүйесі күштерінің жан-жақты жүктемесін талап ететінін атап өтті.
Украина Үкіметі елдегі карантинді 31 желтоқсанға дейін ұзартты. Режим эпидемиологиялық жағдайға байланысты аймақтарда әртүрлі шектеулер енгізуді көздейді. Украинаның денсаулық сақтау министрлігінің мәліметінше, соңғы аптада COVID-19 расталған жаңа жағдайлардың саны 68% - ға, ауруханаға жатқызу 51% - ға өсті.
