ЧЛ: Реал Мадрид Челсиге ешқандай мүмкіндік бермеді

19 Сәуір 2023, 09:34
1855
Бөлісу:
ЧЛ: Реал Мадрид Челсиге ешқандай мүмкіндік бермеді
Фото: Reuters

Лондонда Чемпиондар лигасының ширек финалының екінші ойнында «Челси» өз алаңында «Реал Мадридпен» кездесті, деп жазады BAQ.KZ тілшісі.

Жартылай финал үшін болған текетіресте матч қонақтардың пайдасына шешілді. Есеп - 2:0.

Матчтағы екі голдың авторы «Реал» шабуылшысы Родриго атанды. Ол 58-минутта командасын алға шығарса, 80-ші минутта дубль жасады.

Осылайша, «Челси» 1/4 финалдың екі кездесуінде бірде-бір гол соққан жоқ. Испанияда өткен алғашқы ойында да «Реал» 2:0 есебімен жеңіске жеткен болатын.

«Реал» жартылай финалда «Манчестер Сити» - «Бавария» кездесуінің жеңімпазымен ойнайды. Бірінші кездесуде британдықтар 3:0 есебімен жеңіске жетті.

Өзгелердің жаңалығы