Атырау облысының ТЖ жөніндегі жедел штабы Жайық өзеніндегі су деңгейі туралы жедел мәлімет жариялады, деп хабарлайды BAQ.KZ.
Атырау облысы бойынша "Қазгидромет" РМК гидрологиялық мониторингінің деректеріне сәйкес, 2024 жылғы 18 сәуір сағат 8-дегі жағдай бойынша өткен тәулікте Атырау облысының Жайық өзені бойынша өткен тәулікте БҚО аумағынан судың келуі есебінен судың деңгейі төмендегідей өзгерді:
Жайық өзені – Индербор кентіндегі су бекетіндегі су деңгейі 555 см., деңгей +8 см-ге көтерілді, су тасқыны басталғаннан бері жалпы судың көтерілуі 332 см.
Жайық өзені – Махамбет кентіндегі су деңгейі 679 см., деңгейдің + 7 см-ге көтерілуі, су тасқыны басталғаннан бері жалпы судың көтерілуі 362 см.
Жайық өзені – Атырау қ. гидропостындағы су деңгейі 396 см., тәулігіне 0 см. өзгеріссіз, су тасқыны басталғаннан бастап жалпы су көтерілуі 205 см. құрайды, су деңгейінің одан әрі көтерілуі күтілуде.
18 сәуірде Иректі су қоймасынан ағын 422 м3 / с құрайды, су жіберу деңгейі 345 м3/с, - делінген хабарламада.
Атырауда су тасқынына қарсы атқарылған шаралар:
Өткен тәулікте жағалауды нығайту жұмыстарына жұмылдырылды:
⁃ 1034 арнайы техника;
⁃ 3875 мекеме қызметкерлері;
⁃ 3741 ерікті
⁃ 1751 әскери қызметші
169,7 шақырым бөгет тұрғызылды
Жиналды - 23,6 тонна гуманитарлық көмек
