Британияда коронавирусқа қарсы вакцинаға рұқсат берілді

Нұр-Сұлтан, BAQ.KZ. Британия американдық Pfizer және BioNTech компаниялары бірлесіп коронавирусқа қарсы жасаған вакцинаға рұқсат берді, деп жазды Хабар24. 

Reuters-тің хабарлауынша, вакцина Ұлыбритания аумағында келесі аптада қолжетімді болады. Pfizer – BioNTech вакцинасын Дәрілік заттар мен медициналық құрылғыларды бақылау жөніндегі басқармасы (MHRA) мақұлдаған. 

Қараша айының соңында коронавирусқа қарсы бұл вакцинаның құны шамамен 15,5 еуро болады деп хабарланған. Еуропа комиссиясының басшысы Урсула фон дер Ляйеннің айтуынша, сатып алынады деп жоспарланған 300 млн дозаның бағасы 4,6 млн еуроны құрайды екен.