Синоптиктер 1 ақпанда республикамыздың басым бөлігінде ауа райының қауіпті құбылыстарына қатысты болжам жариялады, деп хабарлайды BAQ.KZ "Қазгидромет"РМК-ға сілтеме жасап.
Атмосфералық фронттың өтуіне байланысты елдің бірқатар өңірінде қар жауады. Күндіз солтүстік-батыста, солтүстікте қар мен жаңбыр жауады деп күтілуде.
Тек республиканың батысында, оңтүстігінде антициклон әсерінен ауа райы жауын-шашынсыз болады.
Қазақстан бойынша тұман, көктайғақ, боран, желдің күшеюі күтіледі.
Еске сала кетейік, сенбіде бірнеше өңірде дауылды ескерту жарияланған болатын.
