Блок-бекеттер қойылды. Алматы облысында күдікті изолятордан қашып кетті

Алматы облысында адам зорлады деген күдік бойынша уақытша ұстау изоляторында отырған күдікті қашып кетті, деп хабарлайды BAQ.KZ.

Уақытша ұстау изоляторынан адам зорлады деген күдік бойынша қамауда отырған азамат К қашып кетті. Осыған байланысты "Сирена" жоспары енгізілді. Негізгі жолдарға блок-бекеттер қойылып, қашқынды іздеп табу және ұстау үшін барлық күш пен құралдар жұмылдырылды, - делінген Алматы облысы полиция департаменті таратқан хабарламада.

Сонымен қатар, күдікті изолятордан қалай қашып кеткенін анықтау үшін қызметтік тексеру тағайындалды. Жағдай облыстық полиция департаменті басшылығының бақылауында.