Бірқатар өңірде тұман түсіп, жел күшейеді

Синоптиктер сейсенбі, 4 ақпанда республикамыздың басым бөлігінде ауа райының қауіпті құбылыстарына қатысты болжам жариялады, деп хабарлайды BAQ.KZ "Қазгидромет"РМК-ға сілтеме жасап.

Болжамға сүйенсек, солтүстік антициклон ел аумағының көп бөлігіндегі ауа райына ықпал етеді.

Республикада негізінен күн жауын-шашынсыз болады. Тек елдің батысы мен оңтүстік-батысында фронталды бөліктердің өтуіне байланысты жаңбыр мен қар жауады, - делінген кәсіпорын таратқан хабарламада.

Бірқатар өңірде тұман түсіп, көктайғақ болады, жел күшейеді, шығыста – жаяу бұрқасын болу ықтимал.

Еске салайық, бұған дейін бірнеше өңірде дауылды ескерту жарияланған болатын.