Ішкі істер министрі Ержан Сәденов қай өңірлерде жол апаты жиі болатынын айтты, деп хабарлайды BAQ.KZ тілшісі.
Ұлытау, Жетісу, Солтүстік Қазақстан, Ақтөбе, Алматы, Қарағанды облыстарының трассаларында адам өлімінің деңгейі жоғары, – деді ол Үкімет отырысында.
Сәденов осы айда Қарағанды облысы «Алматы-Екатеринбург» трассасының жөнделіп жатқан учаскесінде 2 аптада 3 жол көлік оқиғасы болғанын айтты.
Онда 9 адам қаза тауып, 14 жарақат алды. Ақтөбе облысында бір шұңқырдың кесірінен 2 жол апаты болды, 4 адам зардап шегіп, біреуі қаза тапты. Мұндай фактілер әр аймақта бар. Шұғыл түрде 4 және одан да көп жолағы бар 6 мың шақырымнан астам жол салу қажет, – деді ведомство басшысы.
