Көкшетау қаласында С.Буденный көшесінде орналасқан көппәтерлі үйлердің бірінің 3-ші қабаттағы пәтерде жиһаз өртенді, деп хабарлайды BAQ.KZ.
Өрт есептеулерінің жылдам әрекет етуінің арқасында өрттің пәтердің басқа бөлмелеріне таралуына жол берілмей, даму кезеңінде жойылды.
Өрт сөндірушілер түтін толған пәтерден 1975 жылы туған ер адамды ес-түссіз күйде көтеріп алып шықты.
Сонымен қатар, жану өнімдерімен улануды болдырмау үшін құтқару қалпақтарының көмегімен 8 адамды, оның ішінде 2 бала құтқарылды. Оған қоса, подъездің 41 тұрғыны, оның ішінде 17 бала эвакуацияланды.
Күйік шалған зардап шегуші медициналық жедел жәрдем бригадасына табысталды. Өрттің себебі анықталуда.
0
0
0
0
0
