Бельгия электронды темекі сатуға тыйым салды, деп хабарлайды BAQ.KZ.
Apnews.com сайты таратқан ақпаратқа сәйкес, тыйым 1 қаңтардан бастап күшіне енеді.
Бельгияның денсаулық сақтау министрі Франк Ванденбруке тыйымды азаматтардың денсаулығы мен қоршаған ортаны қорғауға деген қамқорлықпен түсіндірді.
Негізгі себеп – бұл құрылғының жасөспірімдердің арасында кең танымалдылығы және қауіпті қалдықтардың түзілуіне себеп болуы.
Сондай-ақ билік жасөспірімдер арасында никотинге тәуелділікті қысқартуды міндет еткен.
Бірреттік электронды темекі – бұл жаңа тұтынушыларды тарту үшін ғана жасалған өнім, - деп атап өтті ол.
Айтуынша, электронды темекіде никотин көп.
Никотин оған деген тәуелділікті тудырады. Ол денсаулыққа өте зиян, - деді Ванденбруке.
Темекі бірреттік болғандықтан пластик, батарейка мен микросхемалар қоршаған ортаға орасан зор зиян келтіреді.
