Бекзат Нұрдәулетов кәсіпқой бокста жекпе-жек өткізеді
<p> </p> <h4>Нұр-Сұлтан, BAQ.KZ. Әуесқой бокстан әлем чемпионы Бекзат Нұрдәулетов кәсіпқой рингте жекпе-жек өткізеді, деп жазады Prosports.kz сайты.</h4>
18 Қазан 2020 2020, 13:52
2430
Нұр-Сұлтан, BAQ.KZ. Әуесқой бокстан әлем чемпионы Бекзат Нұрдәулетов кәсіпқой рингте жекпе-жек өткізеді, деп жазады Prosports.kz сайты.
«Suleimen Promotion» компаниясы Атырауда бокс кешін ұйымдастырғалы отыр. Кештің басты жекпе-жегінде Айдос Ербосынұлы WBO Global, WBC Asia, WBA International белбеулерін сарапқа салады деп күтілуде.
Бүгін белгілі болғандай, 2019 жылы әлем чемпионы атанған Бекзат Нұрдәулетов кәсіпқой бокстағы алғашқы жекпе-жегін өткізеді. Сондай-ақ осы кеште бокстан ұлттық құраманың мүшесі Абылайхан Жүсіпов андеркартта жұдырықтасады. Одан бөлек кеште Бек Нұрмағанбет, Евгений Павлов пен Данила Семенов шығады деп күтілуде.
