Бүгін Бас прокуратурада ТМД-ның бақылаушылар миссиясының басшысы Леонид Анфимов пен осы Миссияның штаб жетекшісі Олег Кулебамен кездесу өтті, деп хабарлайды BAQ.KZ.
Кездесу аясында а.ж. 6 қазандағы АЭС салу мәселесі бойынша республикалық референдумды ұйымдастыру және өткізу барысы талқыланды.
Беделді халықаралық құрылымның шетелдік бақылаушыларына Бас прокурордың орынбасары Жандос Өмірәлиев референдум өткізудің заңдылығының ағымдағы жай-күйі туралы хабардар етті.
Оларға оны ұйымдастырудың барлық кезеңі заңға сәйкес, сондай-ақ анықталған 24 бұзушылық фактісі туралы хабарланды.
Негізінен, бұл республикалық референдумға байланысты заңсыз қоғамдық пікір сауал салу жүргізуімен және көпшілікке таралуына жол берілген.
Заң бойынша мұндай сауал салуды 5 жыл жұмыс тәжірибесі бар және Орталық референдум комиссиясын алдын ала хабардар еткен тіркелген заңды тұлғалар ғана жүргізе алады.
ТМД бақылаушылар миссиясының басшылары қабылдау ұйымдастырғанына және талқыланған мәселелердің барлық спектрі бойынша берілген ақпаратқа алғысын білдірді.
Олар республикалық референдум өткізудің ашықтығын, сондай-ақ прокуратура органдарының осы кезеңде елдегі заңдылық пен құқықтық тәртіпті қамтамасыз ету бойынша жүргізіп жатқан жұмыстардың маңыздылығын атап өтті.
