Нұр-Сұлтан, BAQ.KZ тілшісі. ҚР Бас прокуратурасы Ұлттық банктің бұрынғы басшысына қатысты хабарлама таратты.
"Бас прокуратура 2019 жылдың 3 шілдесіндегі жағдай бойынша ҚР Ұлттық банкінің бұрынғы төрағасы Данияр Ақышевқа қатысты қылмыстық құқықбұзушылық фактісі Сотқа дейінгі тергеу бірыңғай тізіліміне тіркелмегенін хабарлайды.Оған байланысты қылмыстық істердің еліміздің құқыққорғау органдарының қарауында бар-жоғы туралы мәліметіміз жоқ", - деп жазылған ведомствоның телеграмм каналында.Бұған дейін БАҚ бетінде Данияр Ақышевқа қатысты қылмыстық іс қозғалды деген ақпарат тараған болатын.
