Елордалық «Барыс» Құрлықтық хоккей лигасындағы кезекті ойынын елордада Ресейдің «Авангард» (Омбы) клубына қарсы өткізді, деп хабарлады BAQ.KZ.
Бұл туралы Elorda.info жазды. Бұл «Барыстың» екінші жеңісі.
Ойынның 17-минутта «Барыс» хоккейшісі Ансар Шайхмедденов есеп ашса, 35-минутта Энтони Луис есепті үстемелей түсті.
Бұдан кейін «Авангард» сапынан Владимир Ткачёв 39-минутта мергендік танытты.
Үшінші кезеңде елордалық командадан Иван Мищенко 43, Лиден Вей 44-минуттарда басымдықты арттыра түсті.
Ресейлік командадан Сергей Толчинский 45, Владимир Брюквин 50-минуттарда көздеген нысанадан мүлт кеткен жоқ.
Ойынның 58-минутында Энтони Луис өзінің екінші шайбасын соқты. Нәтижесінде елоралық клуб қарсыласынан 5:3 есебімен басым түсті.
Айта кетсек, «Барыс» бүгін «Авангардпен» тағы бір мәрте ойын өткізеді.
