Қазақ ұлттық хореография академиясына оқуға қабылданатын балалар үшін іріктеу басталады, деп хабарлайды BAQ.KZ.
Мәдениет және ақпарат министрлігі мәлім еткендей, Қазақ ұлттық хореография академиясы 4-5-сыныпқа балаларды қабылдау үшін іріктеу басталғанын хабарлайды.
Құжат тапсыруға еліміздің түкпір-түкпірінен 9-11 жастағы балалар қатысады. 2024 жылдың 12 ақпаны мен 24 сәуірі аралығында барлық облыс орталығында алдын ала іріктеу кезеңі өтеді.
Іріктеу өткізілетін күн, уақыт және орын туралы ақпарат Академияның balletacademy_kz әлеуметтік желілеріндегі ресми аккаунттарында орналастырылады. Жолдама алған балалар үшін қабылдау емтихандары 2024 жылдың маусым-шілде айларында өтеді. 4-сынып оқушылары хореографиялық өнер бойынша бейіндік даярлығы бар өнер саласындағы мамандандырылған мектепте дәріс алады, - делінген хабарламада.
Ал 5-сыныпқа қабылданған балалар – кәсіптік білім беретін мектеп-колледжінде «Балет әртісі» біліктілігінің «Хореография өнері» мамандығы бойынша оқиды. Оқу кезеңі - 7 жыл 10 ай.
