Енді балалар ата-анасына қамқорлық жасауға міндетті болады. Бұл туралы Конституцияның жаңа жобасында көрсетілген, деп хабарлайды BAQ.KZ тілшісі.
Конституцияның ресми БАҚ-та жарияланған жаңа жобасында отбасы қатынасы, неке, балаға және ата-анаға қамқорлық мәселелері кеңінен қамтылып отыр.
Атап айтқанда, жобаның 30-бабында “Кәмелетке толған еңбекке қабілетті балалар еңбекке жарамсыз ата-анасына қамқорлық жасауға міндетті” деп көрсетілген.
Сонымен қатар балаға қамқорлық жасау мен тәрбие беру ата-ананың етене құқығы мен міндеті екені де аталған.
Еске салайық, бұған дейін Ата заңның жаңа жобасына сәйкес Парламент өкілеттігі 1 шілдеде тоқтатылатынын хабарладық.
