Нұрлан имам әкесін намаз оқуға көндіре алмадым деген желі қолданушысына жауап берді. Сонымен қатар, "Әке өлгенше мойнына бәрін көтеретін ұлы тұлға…" деген ақылын айтты, деп хабарлайды BAQ.KZ.
Қызметін жасап, қол-аяғын сүйіп, мас боп келсе киімін ауыстырып, әкеңе қызмет жасай бер – болды. Құдай жүрегіне ынсап берсін. Көндіру, тура жолға түсіру сенің де, менің де қолымда емес, ол – Алланың қолында. Алла жүрегіне салсын... Сондықтан, жаным, соған қызмет жасай бер, саған қарап тұрып, мен осындай бала туған екем деп, құдайға шүкір деп, әкең өзі қойып кетеді. Балалар, әкемен ешқашан салғыласпаңдар! Мейлі, шариғатты ортаға қойып салғыласпа. ...арам ішсе де, сенің аузыңа адал тамақ салған әке, сондықтан қызметін жасай бер, – деп кеңес берді имам жастарға.
