Нұр-Сұлтан, BAQ.KZ. Багам мен Абако аралдарына күшті Дориан дауылы соғып, 7 адам қайтыс болды, деп хабарлады ZNS Bahamas.
Қаза болғандардың жалпы саны жеті адамға жетті. Достастықтың премьер-министрі Хьюберт Миннистің айтуынша, зардап шеккен екі адам ел астанасына жеткізілгенімен, ауруханада көз жұмған."Осылайша, қаза болғандардың саны жетіге дейін өсті. Бұл соңғы мәлімет емес", - деді ол.
Багам аралдарының ұлттық қауіпсіздік министрі Марвин Джеймс дауылдан қаза болғандардың арасында бірнеше бала болғанын мәлімдеді.
