Аты аңызға айналған американдық Backstreet Boys тобы Алматы мен Астанада концерт қоятынын мәлімдеді. Бұл туралы ақпарат топтың ресми сайтында жарияланды, деп хабарлайды BAQ.KZ.
Концерт күндері мен орындары:
- Алматы – 19 қыркүйек, Орталық стадион
- Астана – 21 қыркүйек, Astana Arena стадионы
Қазіргі уақытта Қазақстандағы концерттерге билеттер сатыла қойған жоқ, олардың құны да әзірге белгісіз.
Backstreet Boys тобы – 1990 жылдары танымалдылыққа ие болған әлемдік поп-музыканың ірі өкілдерінің бірі. Қазақстанда алғаш рет өтетін бұл концерттер топтың жанкүйерлері үшін үлкен мәдени оқиға болмақ.
Айта кетейік, тамыз айында Астана мен Алматыда Дженнифер Лопестің концерті өтеді.
