Нұр-Сұлтан, BAQ.KZ. "Ардагерлер туралы" заңға қол қою Мемлекет басшысының ардагерлерге лайықты қамқорлық көрсетудің тағы бір көрінісі. Бұл туралы ҚР Президентінің кеңесшісі Ерлан Қарин Facebook-тегі парақшасында жазды.
Бүгін, Отан қорғаушылар күні Президент Қасым-Жомарт Тоқаев "Ардагерлер туралы" заңға қол қойды. Бұл заңмен аға ұрпақ ардагерлермен қатар, Тәуелсіздік жылдары (Тәжік-Ауған шекарасы мен Иракта) әскери борышын атқарған ардагерлердің де әлеуметтік жағдайы қамтамасыз етіледі. Бұл заңның бірқатар нормалары Ұлттық кеңестің аясында көтеріліп, талқыланған болатын. Сол ұсыныстарға қатысты Президент Үкіметке, тиісті мемлекеттік органдарға тапсырма беріп, өз бақылауына алған болатын. Сондықтан, бұл заңның қабылдануы Мемлекет басшысының ардагерлерімізге лайықты қамқорлық көрсетудің тағы бір көрінісі, - деп жазды Facebook-тегі парақшасында Ерлан Қарин.
