Нұр-Сұлтан, BAQ.KZ. Бүгін, 18 қаңтар күні Қазақстанның бір ғана қаласында жайсыз метеожағдай қалыптасады, деп хабарлайды "Қазгидромет" РМК.
18 қаңтар күні Шымкентте жайсыз метеожағдай қалыптасады немесе ауа ластанады, - делінген хабарламада.
Қазақстанның өзге қалаларындағы метеожағдай қалыпты. Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
