Нұр-Сұлтан, BAQ.KZ. "Қазгидромет" РМК ел қалаларындағы метеорологиялық ахуал туралы мәлімдеді.
Синоптиктердің болжамынша, 4 маусым күні ауа сапасының нашарлауы Шымкент қаласында ғана күтіледі. Өзге шаһарларда атмосфералық ауа сапасы қалыпты шекте болады.Айта кетейік, Шымкентте жағымсыз метеожағдай соңғы бірнеше күннен бері тіркелуде. Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
