Нұр-Сұлтан, BAQ.KZ. Сейсенбі күні еліміздің бірқатар өңірінде ауа райына қатысты ескерту жарияланды.
"Қазгидромет" РМК-дан хабарлағандай, 10 желтоқсанда Нұр-Сұлтан қаласында тұман сақталады. Атырау облысында кей жерде тұман, көктайғақ күтіледі.
Сонымен қатар Түркістан облысының кей жерінде тұман сақталады. Күндіз кей жерде оңтүстік-шығыстан, шығыстан соғатын желдің күші 15-20 м/с күтіледі.
Қызылорда облысының кей жерінде тұман күтіледі. Таңертең және күндіз кей жерде көктайғақ күтіледі.
