Азаматтық қару айналымының ережелері қатайтылды

12 Қыркүйек 2022, 09:45
881
Бөлісу:
Азаматтық қару айналымының ережелері қатайтылды

Алматы полициясы азаматтық қару айналымына қатысты ережелерді қатайту бойынша нормаларды түсіндірді, деп хабарлады BAQ.KZ.

Заңнаманың жаңа талаптары туралы алғашқылардың қатарында Алматыдағы қару-жарақ дүкендерінің басшылары арнайы жұмыс кездесуінде хабардар болды.

Мемлекет басшысы 2022 жылғы 11 шілдеде “Қазақстан Республикасының кейбір заңнамалық актілеріне құқық қорғау қызметін жетілдіру, құқық қорғау, арнаулы мемлекеттік органдар мен әскери қызметшілер, ведомствоаралық үйлестіру, ішкі істер органдарының тәуелсіздігі, кейбір қылмыстық құқық бұзушылықтар және қарудың айналымы үшін жауапкершілікті күшейту, құқықтық және әлеуметтік қорғау мен заңның жауапкершілігін арттыру мәселелері бойынша өзгерістер мен толықтырулар енгізу туралы” Қазақстан Республикасының Заңына қол қойды, соған сәйкес азаматтық және қызметтік қару-жарақ айналымы мәселелері бойынша бірқатар редакциялық түзетулер енгізілді. Қазақстан Республикасының Әкімшілік құқық бұзушылық туралы кодексіне 191-бапты (Азаматтық және қызметтік қару-жарақ пен оның оқтарын сатып алу, сақтау, есепке алу, тасымалдау және саудалау тәртібін бұзу) біріктіру арқылы жалпыға бірдей құқық бұзушылық (484-бап) бөлігінде өзгерістер енгізілді және 484-бап бойынша азаматтық, қызметтік, марапаттық, коллекциялық қаруды, оның патрондарын иелену, беру, есепке алу, сақтау, пайдалану, тасымалдау, Қазақстан Республикасының аумағына әкелу, Қазақстан Республикасының аумағынан әкету және Қазақстан Республикасының аумағы арқылы транзитпен өткізу тәртібін бұзуға, тасымалдауға рұқсат етілмейді, – деді Алматы қалалық Әкімшілік полиция басқармасы бастығының орынбасары Болатбек Баятанов. 

Сонымен қатар баяндамашы, лақтырылатын, салқындатылған, белгі беретін қаруларды және олардың негізгі (құрамдас) бөліктерін заңсыз сатып алу, беру, өткізу, сақтау, алып жүру, тасымалдау (қолданыстағы ҚР ӘҚбК-нің 484-бабында жауапкершілік жоқ) үшін әкімшілік жауапкершілік белгіленетінін түсіндірді, сондай-ақ қаруды теріс пайдаланғаны үшін әкімшілік жауапкершілік белгіленуде.

Өзгелердің жаңалығы