Нұр-Сұлтан, BAQ.KZ. Қазақстан президенті Қасым-Жомарт Тоқаев Жоғары Еуразиялық экономикалық кеңес аясында бірқатар екіжақты кездесу өткізуде.
Қасым-Жомарт Тоқаев Сингапур премьер-министрі Ли Сянь Лунмен кездесті.
«Жоғары Еуразиялық экономикалық кеңес аясында Сингапур премьер-министрі Ли Сянь Лунмен кездестім. Елбасы мен оның әкесі, марқұм Ли Куан Ю жақсы достар болған еді. Сауда-экономикалық, инвестициялық, қаржы және көлік-логистика салаларындағы ынтымақтастығымызды нығайтуға уағдаластық», - деп жазды мемлекет басшысы.
Сонымен Иран президентімен ынтымақтастығымыздың өзекті мәселелерін талқылады.
«Иран президенті Хасан Руханимен кездесуде ынтымақтастығымыздың өзекті мәселелерін талқыладық. Сауда-экономикалық саладағы бірлескен жобаларды жүзеге асыруға баса мән бердік», - деді Қасым-Жомарт Тоқаев.
Сонымен қатар, президент Арменияның премьер-министрімен кездесу барысында сауда-экономикалық ынтымақтастықты кеңейтуге уағдаласты.
«Арменияның премьер-министрі Никол Пашинянмен кездесуде сауда-экономикалық ынтымақтастығымызды кеңейтуге уағдаластық. Елдеріміздің арасында барлық бағыттар бойынша сенімді әрі ашық диалог орнаған. Мәдени-гуманитарлық байланыстарымыз дамып келеді», - деді президент.
