Беларусь президенті Александр Лукашенко Украинадағы қақтығысты бейбіт жолмен шешу бойынша келіссөздерді Минскіде өткізбекші, деп хабарлайды BAQ.KZ тілшісі.
Ол Беларусь астанасына Украина, Ресей және АҚШ президенттері – Владимир Зеленский, Владимир Путин және Дональд Трампты шақырды.
Қаласаңыздар, келіңіздер. Беларусь шекарасынан Киевке дейін 200 шақырым ғана. Ұшақпен жарты сағат кетеді. Келіңіздер, осында отырып, тыныш әрі айқай-шусыз келісімге келеміз. Сондықтан Трампқа айтыңдар, "мен оны Путин және Зеленскиймен бірге осында күтемін". Ақылдасып, келісімге келеміз. Егер келісімге келгілеріңіз келсе…, - дейді Лукашенко америкалық блогер Марио Науфалға берген сұхбатында.
Беларусь президентінің айтуынша, Путин бейбіт келіссөздер мен қақтығысты реттеуге мүдделі.
Сондай-ақ, ол Украина президентін келіссөздерге көндіру қажет деп санайды.
Келісу керек, - деді Лукашенко.
