"ҚазАвтоЖол" ҰҚ" АҚ көлік қозғалысына шектеу қою туралы шұғыл ақпарат таратты, деп хабарлайды BAQ.KZ.
20 қаңтар сағат 16:30-да ауа райының бұзылуына байланысты екі республикалық автожолда көліктің барлық түрінің қозғалысына шектеу қойылады.
Ақмола облысы бойынша:
- "Астана-Ерейментау-Шідерті" автожолының 16-200 шақырым аралығындағы учаскесі (Астана қаласынан Павлодар облысының шекарасына дейін).
Павлодар облысы бойынша:
- "Астана-Ерейментау-Шідерті" автожолының 200-254 шақырым аралығындағы учаскесі (Ақмола облысының шекарасынан Шідерті ауылына дейін).
Жолды 2025 жылғы 21 қаңтар сағат 07:00-де ашу жоспарланған.
